التحقيقات فى قاتلة اطفالها الثلاثة بدمياط: كتمت أنفاسهم بطرحة ونمت جنب جثثهم للصبح

نص التحقيقات فى قاتلة اطفالها الثلاثة بدمياط: كتمت أنفاسهم بطرحة ونمت جنب جثثهم للصبح.

اعترافات مثيرة كشفتها قاتلة ابنائها الثلاثة فى محافظة دمياط بعد ان قضت المحكمة بإحالتها أوراقها الى فضيلة المفتى لابداء الرأى الشرعى فى اعدامها، بعد اتهامها بقتل أطفال الثلاثة عمدا مع سبق الاصرار والترصد.

وجاءت نص التحقيقات مع المتهمة سلوى أحمد، ربة منزل، والتى اعترفت بإرتكاب جريمتها البشعة بحق ابنائها الثلاثة وهو مهند وعمره 6 سنوات،

ونادين ونور توأم وعمرهما 3 سنوات، قائلا: قتلتلهم عشان كنت عاوزة اتطلق من جوزى وكان لازم اخلص من العيال عشان اضمن ان اهلى ميرجعونيش لجوزى تانى.

وأضافت الأم القاتلة فى اعترافاتها: كنت على علاقة مع شخص اسمه محمد عرفته من على النت وكان عاوز يقابلنى ويشوفنى بس مكنتش بعرف اشوفه لان

جوزى مش بيوافق اخرج، ولما العلاقة بينا باظت فكرت اتخلص من جوزى واطلق منه بس كان لازم اخلص من العيال الأول عشان اعرف اطلق مرجعش ليه ابدا".

وأشارت: فكرت اغرق العيال بس قولت هتكشف، قررت اكتم نفسهم وفى اليوم ده كانوا عند جدتهم تحت بيلعبوا، لما طلعوا التوأم البنات كتمت نفسهم بطرحة وفضلت حاطة ايدى على فم بناتى 10

دقايق لحد ماطلعوا رغاوى ونفسهم راح ومبقوش يتحركوا، غطيتهم ونيمتهم، ولما طلع ابنى الكبير مهند خليته يروح فى النوم واخدته فى حضنى ولما نام غطيته باللحاف وكتمت نفسه لحد ماعمل

حمام على نفسه وطلع رغاوى من بوقه ومات".
وأضافت المتهمة: لما اتأكد انهم ماتوا لقيت جوزى رجع من الشغل وسأل على العيال قولتلهم ناموا، وروحت نمت جنب ابنى، ولما صحيت الصبح نزلت قولت

لحماتى العيال مش بتتحرك، العيلة كلهم طلعوا وطلبوا الدكتور والحكومة جات واكتشفوا ان وفاتهم مكنتش طبيعية وقبضوا عليا".

وبعد 4 سنوات من الحادث، وتحديدا الأحد الماضي، قررت محكمة الجنايات إحالة أوراق الأم القاتلة إلى مفتي الديار المصرية، لأخذ رأيه الشرعي في توقيع عقوبة الإعدام عليها.