قاتل زوجته بفيصل ينفون اتهامها بسوء السلوك: "شقيانة على عيالها"
صور.. جيران قاتل زوجته بفيصل ينفون اتهامها بسوء السلوك: "شقيانة على عيالها"
وقال "زكريا" أحد جيران المجنى عليها، والذى يقطن فى شقة أسفل الشقة التى شهدت الجريمة أم محمود ست طيبة وأغلب من الغلب، والكلام ده اختراع من جوزها علشان يحمى نفسه من العقاب".
وتابع "زكريا": "احنا قاعدين فى البيت 24 ساعة أنا أو العيال، وعارفين مين طالع ومين نازل، والست لأما فى بيتها لأما قاعدة مع مراتى لاما بتجيب خضار، ده كلام أونطة من واحد مدمن مخدرات".
فيما قالت "س.أ": "أم محمود ست فى حالها وعمر ما طلعت منها العيبة، وفى النزلة والطالعة عيالها فى ديلها، هتعمل الغلط ده إزاى، ما فيش حاجة فى الشارع بتستخبي".
أكدت والدة "س" ما جاء على لسان ابنتها، قائلة: " الله يرحمها كانت شقيانة على عيالها ال6 وهى لقيا وقت تشوف نفسها، جوزها كان عواطلى، ومس بيصرف عليها ولا على العيال، ربنا يرحمها.
وكانت النيابة العامة فى جنوب الجيزة أمرت بتشريح جثة ربة منزل قتلها زوجها (عامل)، بسبب خلافات أسرية بينهما فى الهرم، وطلبت تقرير الصفة التشريحية حول الواقعة؛ للوقوف على ظروفها وملابساتها.
وطلبت النيابة تحريات المباحث حول الواقعة للوقوف على ظروفها وملابساتها.
تلقت غرفة النجدة بلاغا يفيد العثور على جثة ربة منزل داخل مسكنها بالهرم، وعلى الفور انتقل رجال المباحث إلى محل الواقعة، لإجراء المعاينة ومناظرة الجثة.
تعليقات
إرسال تعليق